" قصة حياتي " بقلم المبدعة الاستاذة فاطمة عبد الشافي
* ((*قصة حياتى*))
** ** ** **
ياناس صعبه
عمرى مافكرت أحكيها
أصل اللى فيها
كتير يصعب
وصعب كمان أداريها
مرت عليا سنين
عشت انا فيها
أشكى لمين همى
للى من دمى
ولا خلاص هخليها
سكنانى وسكنه انا فيها
أصل كل واحد
عنده كفايته
يارب حليها
وحلينى بالصبر
حاسه هموت فيها
كتر الألم ياخلق
خنق شريانى
حاسه انا بالدم
بيرجع من تانى
مش لاقى طريقه
حتى لوجدانى
وحاسه انا بروحى
ماشيه وسيبانى
مافيش طريق تانى
غير الأخره وخدانى
ويبقى سكنى الجديد
والدنيا تنسانى
مليت الم وجراح
وقسوة زمانى
خلاص هنا هرتاح
من غدر أيامى
وكفايه كده كفاح
معاكى ياأحزانى.
كلماتى
فاطمه عبد الشافى
تعليقات
إرسال تعليق