🌺 صدقيني 🌺 بقلم هشام السيد

 ¤¤ صدقّيني ¤¤

كنت واقف .... خلف الشتي

لحظة سؤالك ببالي ... خطر

خبّرني قديش إنتْ  بتحبني

تلبكت يومها واشّرتْ عالقمر

بعرف انها ما لمست  شعورك

ولا حتى صداها بيقلبك حفر

وعشقنا كاااان بي أول ربيعو

ومفتون  قلبي  بليالي السمر

لو ترجعي من حرب مجنوني

مطرح  ما قسي علينا  القدر

وعلى تراب روحك قلبي بكي

عحبنا المقتول برصاصة انغدر

وبجنتك بعرف انو بتسمعيني

ياااا اجمل حلم عشتو بالعمر

باعلى صوت بصرخ صدقيني

انا حبيتك بعدد حبات المطر

** هشام السيد **

7/12/2018 10:02am