قصيدة " يا سنين العمر " بقلم المبدعة الاستاذة سمر أحمد (اقلام ثائرة)
يا سنين العمر
.....................
يا سنين شو ملياني صفحاتك مشاوير
ع سطورك جايي الشتي
و بحروفك غيم اكتير
الثلج رايح ل الجبل
ت يغطي جروحات الورد
من برد كوانين
والصبح بدياته حطب
وبالشجر قصص عصافير
جناحات وفيها سفر
بالوادي تكتب مراسيل
حنين وقطفة حبق
والشمس بحضن القمر
غفياني بكير
بخدودها صور وعناوين
ع الأرض صوت الورق
وبالوادي درب الندي ياسمين
يا سنين جواتك فرح وقنديل
مدري خباها الأمل بقلوب البشر
مدري موزعه ضحكاتو بعيون المطر
الصبر نسيان الغضب
مزروع بضلوعه وتد
بقلب الصخر بيطلع غصن
و بالحجر بيولد وفا
يا سنين خلي العتب
ع بوابك دفا
واللهب بكتابك زهور النبض
بيمشي الوقت بحقولك رعد
والبرق غيمي عم تغسل الضجر
إن ضيعك المكان وما شافك الوتر
نغمات حبابي بنايات الليل بتعرفا
اللحن ما بيسأل الوجع
بيغزل المحبي من رموش التعب ت يوصفا
جوى القلب بتختفي دمعاته
والشوق بيتعربش
عالصدى ت ايضوي شمعه
يوصل لأبعد مدى من حدود السما
بنجومها خيمة وطن
وأصدقاء الروح بتجمع الحلا
لما بعيونك ياسنين العمر بتلمحا
......................
أقلام ثائره
Samar Ahmad.z
.........................
تعليقات
إرسال تعليق