قصيدة = شقائق النعمان = بقلم المبدعة الاستاذة سمر أحمد ( اقلام ثائرة )

شقائق النعمان

...................



يا عمر شو ضيعك العنوان

بالقلب إلك الوطن زنار  وعروقك بخيمة  النسيان

بالدرب شافك القمر حيران

ونجومك تسهر مع  الشريان

كنت بضحكتك المح الشجر خايف وبردان

اتغطيني وراق الوقت  وشوفك من الدمع  هربان

 من العتمي يطلع   الجرح تعبان 

و الصبر ع ضفاف النهر  بالآااااه غرقان 

وأحلف ع الحزن ما يمسك الأوتار

بسكون الليل مخبي بالجمر غصات 

والريشي ع البيدر تكتب الألحان

 وبصوت الناي جدولك  سرحان 

واللهب طايف بضلوعك بركان

يا عمر الغربه ع بحقولك نيران

والحب شارد بالوفا  من زمان

شو اتحملت خيوطك   من الشمس تذكار

ولهاك الأرض تفرش جناحاتك وتسأل الوديان

لوين بعد أخدنا التيار

بعدك ع العهد ما نسيت  الأيام

والشوق يحملك لبعيد

ويرجعك ندمان

مدري الفرح ضيع ألوانك بالبحر

مدري الوفا هجر بابك والمكان

يا عمر مرسالك بسلة الريحان

وعيونك بالزهر قلقان

خايف إيفل من ايدك الوقت

ويبقى خيالك مرسوم  على الحيطان

يا عمر غيابك ع الصخر زلزال

بجمراتك صوت الأهل

ونبعاتك لهفة الجيران

بكل نبضه إلك مشوار

غصنك زيتون وريحة ترابك مرج زهور

بحدودك ياسمينك شمس

والدم بعروقك قطفة حبق وشقائق النعمان

......................

أقلام ثائره

Samar Ahmad.z

............................