" إنتظرني " بقلم المبدعة الاستاذة عبير الجندي
إنتظـــــــــــــرنــــــى
**********
وان ماجتشى
عايزه اشوف قلبك عذرنى
يا حبيبى .. وانتظرنى
يمكن الأيام تجيبنى
يمكن الأيام تسيبنى
جُوه فرقه .. بعيده عنك
يمكن الطرقات تحاول.
إنها تقربنى منك
لاجل اطولك
أرمى فى عرضك حمولتي
وارمى طولى فى حضن طولك
لاجل اطولك
لاجل اكون فى الرحله ضلك
أسندك لو حد قالك
إنت مش قد المسيره
يا أميرى
شوف بقى حال الأميره
إوعى تانى تجيبلى سيره.
للفراق .. لو طال علينا
إشتياق فى دموع عنينا
والمحبه .. وانتظارك
وانتظارى
آه حذارى
من شكوك تدخل ما بيننا
إنت بالنسبالى جنه
حتى أكتر
أنت بالنسبالى عنتر ؟
لأه .. أكتر
إنت بالنسبالى روحى
كل أفراحى اللى راحت
كل أفراحى اللى جايه
الهوى جواك قضيه..؟
أيوه تشبه لىّ فعلا
إوعى تحزن ..من فراقنا
طول ماجوه القلب شوقنا
ما انت عارف
وانت شايف
إننا أسطوره واضحه
والمصارحه بيننا حتى
واحنا بيننا سنين طويله
إحنا بيننا العشره والذكرى الجميله
إوعى تانى تشك فىّ..
الأمانى ازرعها لىّ
ريّح القلب اللى دايب
واشترينى مهما يجرى
نفسى اعيش يا حبيبى جنبك
دا انت روحى
والهنا يا حبيبى قربك
مش هابيعك
حتى لو تقدر تيبعنى
يا سامعنى
يا حبيبى .. أيوه هاحلف
طيف خيالك ..
كل يوم لازم ..يزورنى
إنتظرنى
وان ماجتشى
عايزه اشوف قلبك عذرنى
..
✍.... عبيــــــــــــــر الجنـــــــــدي ....
تعليقات
إرسال تعليق