" لما بوساتو " بقلم المبدعة الاستاذة إيليانا طلول

لما بوساتو ...ع كتفا تولدنوا

وصاروا متل الفراش يسرحوا

 ..وبكل مرة بيطلع فيها ...

نبت على وجها الخجل ....

وصاروا الوردات من خدا ...يخجلوا

صار كتفا ربيع .....جوري وسوسنة

 فاح عطرها ..وشمو ...واكتر جننو

على عتبه هاك الشباك ...ترك نظرو

خوفوا لحدا فيها يطلع ...ويسرق

نظرة منها ....وعطرها يسرقو

وصارت الغيمات ...متل مسبحة

عليهن تهطل ورد ودفا ...ولهفاتهن ينحنوا

بقلا يا صغيرة ...رح سيج قصري بريحتك

وبجدايل شعرك اللي بيقرب عليكي

.....رح اخنقوا .....بتقلو ....روق ...واهدى

لسا دربنا ...خطوة ...خطوة ...بأولو

وشعري اتركوا بهمو ...من وقت ما ايديك

ع خصلي اتمرجحوا ....وهني غفيانين

.....وع كتفي ...صار عطرك يدوب ....

وصاروا بريحتك ....يتسبحوا

Haneen Alrouh