" الحلم الهني " بقلم المبدع الاستاذ سليمان احمد العوجي
هي فشة خلق بالعامية لااكثر..
( الحلم الهني)
----------------------------------
كل ماالصبح بالضو
بيغسل وش الدني
قبالي بينفتح شباك
وبتضوي الكائني/ ة
كيف ع الارض
ت نزلتي ياملاكي!!؟
يمكن شي شيطان
ت نزلتي غواكي
أو قدام عرشو
كنتي ماتنحني
ياخوفي تكوني
قطفتي تفاحة محرمي
وبنظر الله صرتي
وحدي مجرمي..
واليوم صرتي
بحيّ ياحلوي ساكني
طل الحلو وقلبي
مابعرف وين وداه
طل الحلو وبجرار
قلبي دابت ألف آه
عم يكتروا الآهات
وتصير الدنيا ملوني/ ة
من اليوم صار الصبر
أحلى من الحلى
عصافير القفص
طيرتون وبعدوا بالفلا
عم يلعبوا وملّوا
السما رقص وغني
كل القصايد انكتبوا
ع اسمك وصاروا لكي
ماضل عندي حروف
وع لساني خرس الحكي
والدم بعروقي..
اجتو نوبة ولدني/ ة
من يوم ما صار
القمر جاري..
شو هم ..
إن مافاق الضو بداري
شوهم..
لو صار ليلي مية سني/ ة
شوفي جكر بشرفتي
شو عملت الوردات
ساحت حمرة الجوري
والفل ع بيتو فات
جن الحبق وسكرت
بحوضها السوسني/ ة
القلب اللي بصدري
من عمر انحبس
اليوم خلص درس
العشق ودق الجرس
واقف ع باب صدري
وكل ماشافك بينحني
برم دولاب البخت
وطلعلي أمل كذاب
ولقيت حالي متل
اللي قابض ع سراب
بحلم ولابعلم!!!؟
يامين ع عقلي يدلني
صدفي من بين صابيعا
مر ضو القمر...
بإيد اليمين لمحت محبس
يادلي مو ملّا خبر..
بإيدي فتحت القفص
وطيرت حلمي الهني.
بقلمي:
سليمان أحمد العوجي.
تعليقات
إرسال تعليق