" مكتوب علينا " بقلم المبدعة الاستاذة فاطمة عبد الشافي
* ((**مكتوب علينا**))
** ** ** **
مكتوب علينا نعيش
عيشه ماهيش لينا
وادينا عايشين
نصبر روحنا بروحنا
ومين يداوى جروحنا
وادينا صابرين
عايشين تايهين فى ليالينا
محناش عارفين
طعم لفرحه تكون لينا
وادينا ساكتين
ومهما قولنا وحاكينا
هنشكى لمين
إنتي يادنيا واخدانا
كدا على فين
ظروف بتتحكم فينا
وادينا صابرين
دا الصبر ياناس طعمه مرر
مافيش فيش حبة سكر
والسكر فين
وكل يوم يزيد أكتر
يامر ليه كدا بتكتر
محناش عارفين
هيا السعاده طريقها منين
نفسي أعيش لي فيها يومين
هنفضل لإمتى كدا صابرين
يارب الكون تفرجها
والدنيا العوجه تعدلها
كفايه شوفنا كتير
كلماتى
فاطمه عبد الشافى
تعليقات
إرسال تعليق