🌺 حكايتي والبحر 🌺 بقلم المبدعة الاستاذة اميرة ملحم
حكايتي والبحر
بشطّك يا بحر رقصت الموجات
بجنون عالرمل حطت رحالها
متل صبيه حضنت الرملات
يضحكلا البحر ويسرح بشالها
وأنا والحرف نرسما كلمات
ضحكتا البيضا تعزف الحانها
إشلح عموجك كومة حكايات
وصرخة جرح هالقلب شالها
حكاية عِمر وَالَف الدمعات
بعتت عموجك يا بحر مرسالها
خدْها حكايتي حروفها غصّات
تسافر بموجَكْ وترحل اوجاعها
أميره
تعليقات
إرسال تعليق