🌹🌹 موعد 🌹🌹 بقلم المبدعة الاستاذة اميرة ملحم

🌹🌹 موعد 🌹🌹



بعتلي  ضحكه يا  رفقه  وقَلّي

ناطر  عيونك يا  حلوتي تطلّي



تتغرق النهدات  بقطرات  اللَّما

ويميل  الورد  و لحبّنا   يصلّي



صبّيتلك الكاس  وصرت  فَهّما

تتسكّرِك ووقتها نيّالي ويادلّي



انا  السكران  وبحضني ارتمى

غزال   عشقان   ويقلّي  صلّي



وقيثارة  الشوق  روحي تنغّما

وتسكب  ألحان  بْوَح  التجلّي

⭐️⭐️⭐️⭐️⭐️⭐️⭐️



رحت  لريشات  اليمام   لَمْلِما

وعملت جناح  وطرت لمَحلّي



بسرير  الِكان  همساتنا  يفهَما

وقّفت عالباب وقلتلو يا خلّي



الدقه لو تسكر بتسجد  السما

وحبك بهالروح عنقود متدلّي



فَتَح والكاس من إيدو ارتمى

واسكرت بضمِّتو شو متخلي



وصارت ايدينا  تحكي بالوَما

ولا عاد  قلتلو  ولا عاد  قَلّي

أميره