🌺 حكي ضايع 🌺 بقلم هشام السيد

 ¤¤ حكي ضايع ¤¤

نفّض  ذكرياتو عن  كتف  الزمان

وجرّب  يلاقي  شي حكي ضايع

ناسي درب السما  مضيّع الاوثان

ع سطر ما كان ولا ع ورق سايع

عايش يعربش ت يكمّش الالوان

إل ما فيها وحي  لون الوفا  بايع

سبق حالو  قبل ما يفوتو  الاوان

ضاع بالضبابة  صرلو  عمر صايع

يخربش يفرفش ينغوِش الغزلان

وينحت وينقوِش كنّو حدا  فايع

شي حلو لو بلمحو ع ضهر كتاب

واحبسو بقصيدة وحمّلو الودايع

وارجع انا والنور من الغربة دياب

عبالي افلت صير بالمعصية فنان

جاع الضمير وكفر متلو انا جايع

** هشام السيد **

1/4/2023