🌺 المال 🌺 بقلم النقيب جورج ابو انطون

 قصيدة "المال" من أرشيف شعر النقيب جورج ابو انطون :

يا مغتِني... ورَبّ السما عــاطيْك 

وبكِلّ خيرات الدني كـافيك

المال اللي من قلب السبع شِلتو 

تصَرَّف بفضلو بكلّ ما بيرضيك

المحتاج لـو شـو عـايز سأَلتو 

الله عن المحتـاج بيكـافيك

عا الخير لا تندَم إذا عمِـلتو 

الله عا فِعْـل الخير بيجـازيك

والمال هَلّْ بجيابَك حمِلتو 

حتى بغَدرات الزمن يحميك

بيغرّقَك عا راسَك انْ شِلتو

حطّو تحت إجريك... بيعلّيك