" نغم " بقلم المبدع الاستاذ محمود ابو لؤي
..
♥♥ نـَغـَم ْ ♥♥
غمّضت عيني و بلشتْ الألوانْ
تغلْغِلْ بقلبي.. و بِـ عينيي
و يخطرْ ببالي الفلّ و الريحانْ
و الحبقْ و الياسمينْ بالفيِةْ
و الغارْ و الشربينْ و الرمانْ..
و طباقْ جوري رِبي عَ الميِّةْ
♥ ♥ ♥
و بعدا.. صِحيتْ و قلتْ مهما كانْ
( ضحكةْ نغم ) : احلى بـ خمس مية
و تسوى الورد كلو بِـ هالبستانْ
و مو هيك بسْ ...مقدّمْ هديِّةْ
و العطرْ ضاجْ و جنّ ْ فيّا جنانْ
و خيّمْ عليها... و بنى علييِّةْ
♥ ♥ ♥
و منّا حلا عمْ يرهجْ الفستانْ
خلّى قلوبْ الناسْ ملْويِّةْ
شافو السحرْ واقفْ على الشطآنْ
و طلعِتْ من الامواجْ حوريِّةْ
و كلما شفت وردةْ بهالبستانْ
بفكِّر ْ ♥نَغَمْ ♥ قدّامْ عينيِي
.......
ـــ محمود ابو لؤي ـــ
..
تعليقات
إرسال تعليق