" تحياتي " بقلم المبدع الاستاذ سامح نصر

تحياتى...

لأجمل كدبه فى حياتى...

لأول حلم أنا حلمته

وكان ف الأصل نهاياتى...

تحياتى يامولاتى...

بقدملك تحياتى...



بهنيكي على دورك...

لغيتي وجودي بحضورك...

بقيت من ضمن جمهورك...

بسقف بس لو اشوفك

واسمحلك.. تدوسي قلبي بغرورك...

واقدملك تحياتي...



ياشايله قلب شيطانه ف وش ملاك...

يااحلي طريق مشاه قلبي نهايته هلاك...

زرعتك ورده في أرضى.. جنيت أشواك...



تحياتي.. عشان من طيبتي صدقتك...

مشيت وياكي متغمي.. ولا عمري لقيت آخرك...

دهشتيني بتمثيلك وأشهدلك...

مفيش في الدنيا انسانه بتشبهلك...

فخليني اهنيكي على دورك.. واقدملك...

تحياتي...



سامح نصر