" خاتم دهب " بقلم المبدعة الاستاذة أميرة صليبه
خاتم دهب
ويل حالي شبيك ضيعت الدرب
ليش عني تغيب ماعندك قلب
يوم توعدني أخاف ان عوّقت
ماهو حالك من غبت حال المحب
تحتريك الروح ماتحمّل ألم
جرحي خزّن بالقلب ماهو مهم
كان قلبك يفرح ان تطري الأسم
شبدّلك عالبعد شو صار اشعجب
آني مريت سمعت يمّك حكي
خيال كان وياك يمّ الليلكي
روحي تلفانه بقهر تبكي بكي
ليش ماخبرتني بليّا تعب
ان كان أنت تحبها من أوّلي
وقلبك وشوقك بعد ماهو إلي
كان خابرني ولاتقول اسألي
نار بقليبي ترى وروحي تشبّ
عاودت مكسور قلبي ومانمت
كوبست لمن بعينيك حلمت
ضلوعي جوا الصدر بيّا آلمت
شبّت بروحي نيارينك لهب
تساوي من مريت ماعندك خبر
مادريت القلب هالليله انفطر
ماهقيتك تنسى شو حنّ ونطر
أبغى ترحل ما إلي عندك عتب
ما أبي تمسك بإيدي لاتقول
من أشوفِك هم البقلبي يزول
شوكتر ماصبرت يامحلا الوصول
شوفتك عندي ترى عزّ الطلب
باوعت بيك وترى لوني انخطف
قلبي يبغى يعاتبك دقّ ورجف
فاجأتني وقلت أختي عالوصف
البارحه جابتلك الخاتم دهب
الحمد لله يالغلا قلبي انفرج
تدري فرحانه وخجلانه بحرج
استحي قلك ياعمري والمهج
كانت عيوني ترى تقدح غضب
بقلمي أميره صليبه
تعليقات
إرسال تعليق