" وعطرك ثقيل بعطر ثيابي " بقلم المبدع الاستاذ ياسين مصطفى بكري

.....وعطرك ثقيل بعطر ثيابي.....



مشينا بين الورد والازهار

وانت معاي وماشية جنبي

والزهر منك صار بد يغار

طلت الشمس والطقس دافي

والندى عالاغصان والاشجار

يسيل عالاوراق بالوادي

وصار النحل يجمع رحيق الغار

ويهدي عخدودك وعكتافي

ويهدي عالريحان والصبار

يجني العسل والشهد شافي

خلص الشتاء وخلصت الامطار

والبلبل على راس الشجر شادي

مشينا سوى والقلب محتار

بحكي معك بالحب طوالي

وعيونك بتطلع سهام ونار

وشعرك بلوح وبخبط براسي

وفستانك الاحمر له زنار

وعطرك ثقيل بعطر ثيابي

وشفافك تغني الي اشعار

وقلبي يجاوب بالعشق هادي

.............

تحياتي....ياسين مصطفى بكري...